करंझाळे समुद्रकिनाऱ्यावर मच्छिमारांना लागली लॉटरी

पांरपारिक पद्धतीने गेले दोन महिने मासेमारी बंद होती. मात्र गेल्या काही दिवसांपासून ही मासेमारी सुरु झाल्यानंतर करंझाळे समुद्रकिनाऱ्यावर मच्छिमारांनी आपल्या बोट दर्यात घेत मासेमारी सुरु केली आहे. यामूळेच करंझाळे येथे मच्छिमारांना लॉटरी लागली आहे.

(Fishermen on the beach at Caranzalem got a bumper lottery of fish )

मिळालेल्या माहितीनुसार 61 दिवसांच्या मासेमारीच्या बंदीनंतर राज्यातील समुद्रकिनाऱ्यावर मच्छिमारांनी आपला व्यवसाय पुन्हा सुरु केला आहे. यापार्श्वभूमीवर करंझाळे समुद्रकिनाऱ्यावर मच्छिमारांनी आपल्या बोट दर्यात घेऊन जात मच्छिमारीसाठी जाळे लावले होते. यातच त्यांना मोठ्या प्रमाणात मासे सापडले असून जणू मच्छिमारां लॉटरीच लागली आहे.

दीड दिवसाच्या गणेशमूर्तींचे विसर्जनामूळे नागरीकांची खरेदीसाठी गर्दी

नुकताच गणेशोत्सव सुरु झाला आहे. यात दीड दिवसांच्या गणेशाचे विसर्जन पार पडले असून यातच करंझाळे समुद्रकिनाऱ्यावर मच्छिमारांना मोठ्या प्रमाणात मासे मिळाल्याने मासे खरेदीसाठी ही नागरिकांनी गर्दी केली आहे. त्यामूळे करंझाळे समुद्रकिनाऱ्यावर मच्छिमारांची यंदाच्या वर्षीची सुरुवातच धमाक्यात झाली असल्याने करंझाळे मच्छिमारांनमध्ये ही समाधानाचं वातावरण आहे.