गोव्यात नव्याने उभारण्यात आलेल्या 'मनोहर आंतरराष्ट्रीय विमानतळा'चे उद्घाटन देशाचे पंतप्रधान नरेंद्र मोदी यांच्या हस्ते रविवारी पार पडले होते. मात्र प्रत्यक्षात विमानतळ कधी सुरु होते याचे सर्वांनाच वेध लागले होते. गोव्यात सध्या दाबोळीत विमानतळ सुरु आहे. 5 जानेवारी पासून विमानतळावरून प्रत्यक्ष उड्डण संचालनाला सुरूवात होणार आहे.
दरम्यान, मनोहर आंतरराष्ट्रीय विमानतळावर 5 जानेवारीला 11 विमाने उतरणार आहेत. यामध्ये पहिले विमान इंडिगो कंपनीचे 6E 6145 हैदराबादहून येणारे सकाळी 9 वाजता उतरणार आहे. अशी माहिती मनोहर आंतरराष्ट्रीय विमानतळाच्या प्रवक्त्याने दिली. देशांतर्गत विमानसेवा गुरुवारपासून सुरू होईल, तर आंतरराष्ट्रीय विमानसेवा लवकरच सुरू होण्याची अपेक्षा आहे, असेही त्यांनी सांगितले.
अधिकाऱ्याने सांगितले की, पहिल्या दिवशी मनोहर आंतरराष्ट्रीय विमानतळावर किमान 11 विमानांचे लॅन्डींग अपेक्षित आहे. इंडिगो, गो फर्स्ट, विस्तारा आणि आकासा विमान कंपन्या तिकीट काउंटर स्थापन करण्याच्या प्रक्रियेत आहेत. आंतरराष्ट्रीय विमानसेवा लवकरच मनोहर आंतरराष्ट्रीय विमानतळाकडून सुरू होण्याची अपेक्षा आहे आणि आम्ही योग्य वेळेत त्या बाबतची माहिती प्रसिध्द करू,” असे अधिकाऱ्याने सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.