फोंडा : कुर्टी हाऊसिंग बोर्ड कॉलनीत गुरुवारी मध्यरात्री मलनिस्सारण प्रकल्पाच्या रबरी पाईप्सना अचानक आग लागून लाखो रुपयांचे नुकसान झाले. मलनिस्सारण प्रकल्पाच्या कामासाठी उपयोगी हे पाईप्स येथे साठवून ठेवण्यात आले होते.
फोंड्यात कुर्टी भागात अचानक रात्री मलनिस्सारण प्रकल्पाच्या रबरी पाईप्सना आग लागल्याने अर्धे अधिक पाईप्स जळून खाक झाले. आग विझवण्यासाठी तीन पाण्याचे बंब वापरण्यात आहे. अग्निशमन दलाच्या प्रसंगावधानामुळे आग आटोक्यात आल्याने लगतच्या घरांना असलेला धोका टळला. नुकसानीचा आकडा समजू शकला नाही मात्र हा आकडा लाखोंच्या घरात असण्याची शक्यता आहे.
दुसरीकडे शिवोली येथे अजित हडफडकर यांच्या घराला आग लागून अंदाजे 3 लाखांचं नुकसान झाल्याचा अंदाज आहे. आग विझवण्याच्या प्रयत्नात आरोल मुकलार हा घर कामगार गंभीर जखमी झाला असून त्याच्यावर गोमेकॉत उपचार सुरू आहेत. शुक्रवारी पहाटे ही घटना घडल्याची माहिती आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
