साळ: साळ-खालचावाडा येथील दवडाकडे येथील सुक्या गवताला अज्ञाताकडून आग लावण्याचा प्रकार घडला. दुपारी आगीने उग्ररूप धारण करून जवळच असलेल्या स्मशानभूमीतील झाडाझुडपांना आग लागली. स्मशानभूमीच्या 10 मीटर अंतरावर असलेल्या दलित वस्तीजवळ ही आग लागल्याने युवकांनी आग विझवण्यासाठी धाव घेतली. या वस्तीवरील महिलांनी व युवकांनी येथे पाण्याचा शिडकाव करून लागलेली आग आटोक्यात आणली.
जवळच असलेल्या विहिरीवरील एक तसेच दीड हॉर्स पॉवर पंपाचा वापर करून पाण्याचा वर्षाव करून आग विझवली. जवळच असलेल्या परसबागांचेही महिला व युवकांनी संरक्षण केले. यात प्रामुख्याने अमर परवार, योगेश परवार, राजन परवार तसेच महिलांनीही आग विझवण्यासाठी परीश्रम घेतले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
