कोलवाळ कारागृहात कैद्यांमध्ये जुंपली

कोलवाळ कारागृहात कैद्यांमध्ये मारामारी झाल्याचे प्रकरण समोर आले आहे. आशिफ या कैद्याकडून गजेंद्र सिंग उर्फ छोटूवर धारदार हत्याराने हल्ला केला. या हल्ल्यात गजेंद्रच्या तोंडावर जखमा झाल्या आहेत. हा हल्ला प्राणघातक असल्याचे मानले जात आहे.

कारागृह प्रशासनाकडून प्रकरण नियंत्रणात आणण्याचे सर्वतोपरी प्रयत्न करण्यात आले. गजेंद्र सिंग हा सोझा लोबो रेस्टॉरंट तोडफोड प्रकरणी कोलवाळ तुरुंगात (Colvale) आहे. हा नेमका वाद कशामुळे झाला याचा पुढील तपास पोलिस (police) करत आहेत. या प्रकरणामुळे कारागृहात भीतीचे वातावरण पसरले आहे.