Fire in Goa: मोरजी समुद्रकिनारी डांबर गोळ्यांच्या साठ्याला भीषण आग

कर्नाटकातील बीच क्लिनींग कंपनीने समुद्र किनाऱ्यावर जमा केलेल्या डांबर गोळ्यांना भीषण आग लागल्याची घटना आज घडली आहे. समुद्र किनारा स्वच्छ करताना समुद्रातून किनाऱ्यावर जमा झालेले डांबराचे तेलगोळे कंपनीने मोरजी-टेमवाडा येथे साठवलेले होते. त्या साठ्याला भीषण आग लागली असून आगीच्या धुराचे लोट आसपासच्या परिसरात पसरले होते.

सदर किनारा हा कासवांच्या घरट्यांसाठी संरक्षित किनारा म्हणून ओळखला जात असल्याने याठिकाणी असे साठे करू नये, तसेच सदर घटनेची सरकारने दाखल घ्यावी असे स्थानिकांचे म्हणणे आहे.

सध्या गोव्यात वाढत्या उन्हामुळे डोंगराळ भागात आगी लागण्याच्या घटनांमध्ये वाढ झाली आहे. काही दिवसांपूर्वी तोरसे - पेडणे येथील एका काजू बागेला आग लागल्याची घटना घडली होती.

दरम्यान मोरजी किनारी ही आग कशी लागली, नुकसान किती झाले या बाबत अद्याप माहिती प्राप्त झालेली नाही. सविस्तर वृत्त थोड्याच वेळात