फातोर्डा: सारझोरा-कुंकळ्ळी येथील एका जमिनीची बनावट कागदपत्रे तयार करून ती जमीन हडप करून बनवेगिरी केल्याप्रकरणी मडगावच्या प्रथमवर्ग न्यायालयाने आदेश दिल्यानंतर संशयितांवर फातोर्डा पोलिसांनी गुन्हा नोंद केला आहे. याप्रकरणी इसीलदास फर्नांडिस हा प्रमुख आरोपी असून त्याला सहकार्य केल्याप्रकरणी टॉफीला ग्रासियस, आलेक्स तेरझ, आंतोनियो मास्कारेन्हस यांच्यावर पोलिसांनी गुन्हा नोंद केला आहे. डॉ. एस. फर्नांडिस हे तक्रारदार असून सासष्टीतील सारझोरा येथे असलेल्या एका मालमत्तेची इसीलदास फर्नांडिस याने बनवेगिरी करताना मडगावच्या सबरजिस्ट्रार कार्यालयात बनावट सेल ऑफ सक्षेशन करून नंतर ती मामलेदारकडे पाठवून जमिनीचे म्युटेशन केले होते.
जमीन ताब्यात आल्यानंतर जमिनीचा काही भाग विकला होता, अशी माहिती पोलिसांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.