शाळेतून घेऊन यायला ज्याला सांगितले त्यानेच घात केला; फातोर्ड्यात 2 अल्पवयीन मुलींवर लैंगिक अत्याचार, झारखंडच्या एकाला अटक

मडगाव: फातोर्डा येथे दोन अल्पवयीन मुलींवर लैंगिक अत्याचार केल्याप्रकरणी झारखंडच्या एकाला अटक करण्यात आली आहे. संशयिताला मुलींना शाळेतून घेऊन येण्यास सांगितले होते. दरम्यान, याचवेळी त्याने अल्पवयीन मुलींवर लैंगिक अत्याचार केल्याची माहिती समोर आली आहे. संशयिताविरोधात पोक्सो आणि बाल संरक्षण कायद्याअंतर्गत गुन्हा नोंद करण्यात आला आहे.

चंदू सोरेन (रा. झारखंड) असे अटक करण्यात आलेल्या संशयित व्यक्तीचे नाव आहे. मिळालेल्या माहितीनुसार, पीडित मुलींच्या पालकांनी चंद्रूला मुलींना शाळेतून घेऊन येण्यास सांगितले होते. याच काळात त्याने पीडितांवर अत्याचार केल्याचे उघड झाले आहे. पीडितांमध्ये एक १० ते दुसरी मुलगी ८ वर्षांची आहे. यापूर्वी देखील त्यांने पीडितांवर अत्याचार केल्याचे उघड झाले आहे.

पोलिसांनी याप्रकरणी पोक्सो आणि बाल संरक्षण कायद्याअंतर्गत गुन्हा नोंद करत संशयिताला अटक केली आहे. याप्रकरणी फातोर्डा पोलिस अधिक तपास करतायेत.