Fatal Accident Near Ponda Kadamba Bus Stand One Dead One Injured
फोंडा: राज्यात गेल्या काही दिवसांत पुन्हा एकदा अपघातांच्या घटनांमध्ये वाढ झाली आहे. सातत्याने अपघाताच्या घटना समोर येत आहेत. यातच, शुक्रवारी (7 मार्च) फोंड्यातून अशीच एक थरकाप उडवणारी अपघाताची घटना समोर आली. ट्रकने दुचाकीला जोरदार धडक दिली, ज्यामध्ये दुचाकीस्वाराचा जागीच मृत्यू झाला.
फोंडा येथील कदंब बस स्टॅण्डजवळील राष्ट्रीय महामार्गवर ट्रक आणि दुचाकी यांच्यात आज संध्याकाळी 5.00 च्या सुमारास भीषण अपघात झाला. दुचाकीला ट्रकची धडक बसल्याने दुचाकीवरील पती-पत्नी गंभीर जखमी झाले. या अपघातात एकनाथ शेटकर (वय 67) हे गंभीर जखमी झाल्याने त्यांना नजीकच्या रुग्णालयात हलवण्यात आले, परंतु तिथेच त्यांचा मृत्यू झाल्याचे सांगण्यात आले, तर त्यांची पत्नी सुलोचना शेटकर गंभीर जखमी असून त्यांना बांबोळी येथील गोवा वैद्यकीय महाविद्यालय रुग्णालयात तातडीने हलवण्यात आले आहे.
दरम्यान, फोंड्यात मंगळवारी (4 मार्च) दुपारी 2.30 च्या सुमारास झालेल्या अपघातात पेंटींग कंत्राटदार चंदकिशोर नानगावा (वय 55) जीव गमवावा लागला. पेन्टिंगचे काम करण्यासाठी फोंड्याहून उसगांवच्या दिशने जात असताना त्यांचा हा अपघात झाला. चंदकिशोर यांचा अपघातात मृत्यू झाल्याची माहिती त्यांच्या साथीदारांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.