गोव्याच्या प्रख्यात रेडिओ जॉकीचा आवाज अनंतात विलीन

म्हापसा : प्रख्यात रेडिओ जॉकी (Famous radio jockey in Goa) तथा खोर्ली-म्हापसा (Mapusa)येथील युवा निवेदक, जेसी म्हापशाचे माजी अध्यक्ष, म.गो. पक्षाचे माजी युवा अध्यक्ष पंकज मंगलदास कुडतरकर (Pankaj Kudtarkar) यांचे वयाच्या 41व्या वर्षी काल रविवारी सकाळी 9.35 वाजता हृदयविकाराच्या झटक्याने (Heart Attack) म्हापसा येथे निधन झाले. त्यांच्यावर खोर्ली येथील शांतिवन स्मशानभूमीवर अंत्यसंस्कार करण्यात आले. पंकज हे आरजे म्हणून बरेच लोकप्रिय होते.

रेडिओ मिरचीसाठीही त्यांनी काम केले आहे. तसेच एका चॅनलवरील विविध कार्यक्रमांत त्यांचा सहभाग होता. त्‍यांचे कोकणी व इंग्रजी भाषेवर प्रभुत्व होते. वाढदिवस, लग्नसोहळे किंवा अन्य कार्यक्रमांतील त्यांचे सूत्रसंचालन लाजवाब होते. पंकज यांनी दोन दिवसांपूर्वी फेस बूकवर ‘‘कुछ नही रखा, आज हैं, कल नहीं, टायम आये तो चुपचाप जाने का; अगले पल का भरोसा नही रे बाबा’’ असा स्टेटस टाकला होता. त्यामुळे स्मशानभूमीच्या परिसरात त्या स्टेटससंदर्भात लोकांनी हळहळ व्यक्त केली