गोव्यात बसून अमेरिकेतील नागरिकांना गंडा घालणाऱ्या बोगस कॉल सेंटरचा गोवा पोलिसांनी पर्दाफाश केला आहे. कळंगुट हॉटेलमधून सुरु असलेल्या या कॉल सेंटरवर पोलिसांच्या सायबर विभागाने कारवाई केली. पोलिसांनी सात जणांना अटक करत त्यांच्याकडून विविध साहित्य जप्त केले आहे.
पोलिसांनी दिलेल्या माहितीनुसार, गोवा पोलिसांच्या सायबर विभागाने कळंगुट येथील हॉटेलमध्ये छापा टाकत बोगस कॉल सेंटरचा पर्दाफाश केला. या प्रकरणी पोलिसांनी सात जणांना अटक केली आहे. येथून अमेरिकेतील नागरिकांची लोन कंपनी, अमेझॉन, बँक कर्मचारी तसेच सरकारी किंवा कायद्यासंबधित कर्मचारी असल्याचे सांगून फसवणूक करण्याचे उद्योग सुरु होते.
पोलिसांनी सात जणांना अटक करत त्यांच्याकडून लॅपटॉप, राऊटर, D-Link स्विच यासारख्या वस्तू जप्त करण्यात आल्या आहेत. पोलिस अधिक तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.