पश्चिम घाट (Western Ghat) क्षेत्र सांभाळण्यासाठी इको सेन्सिटिव्ह बफर झोन (Eco Sensitive Buffer Zone) क्षेत्र करण्याचा विचार सुरू आहे. दरम्यान, इको सेन्सिटिव्ह क्षेत्राखाली येणारी सांगे (Sanguem) तालुक्यातील घरे वगळा असा ठराव आज दक्षिण गोवा (South Goa) जिल्हा पंचायत बैठकीत घेण्यात आला.
रिवण मतदारसंघाचे सदस्य सुरेश केपेकर यांनी हा ठराव मांडला. सांगे तालुका आधीच मागास तालुका असून इको सेन्सिटिव्ह विभागाची बंधने आल्यास त्याचा विकास अधिकच खुंटला जाणार असा दावा त्यांनी केला आहे.
यावेळी झालेल्या चर्चेत बोरी पुलाला मनोहर पर्रीकर यांचे नाव देण्याचा प्रस्ताव ठेवण्यात आला. दक्षिण गोव्यात जिल्हा पंचायत भवन व्हावे यासाठी मुखमंत्री डॉ. प्रमोद सावंत (Dr. Pramod Sawant) यांच्याकडे तसेच कित्तेक गावात अजुन पुरेशी बससेवा उपलब्ध नाही. त्यामुळे त्या गावात कदंबा बस सूरू करण्यासाठी कदंब महांडलाच्या अध्यक्षाकडे पाठपुरावा करण्याचा ठराव आज मंजूर करण्यात आला.
दक्षिण गोवा जिल्हा पंचायत समितीमार्फत 284 विकासकामे हाती घेण्यात येणार असल्याची माहिती अध्यक्ष सुवर्णा तेंडूलकर यांनी दिली. 15 व्या वित्त आयोगाकडून पण जिल्हा पंचायतीला 2.80 कोटी रुपयांचा निधी मंजूर झाला होता. त्यातून ही कामे हातात घेतली असल्याचे त्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
