डबल ट्रॅकिंगच्या नावाखाली चिखली कोमुनिदादच्या जमिनीवर दाबोळी विमानतळासमोर जमीन उत्खनन सुरू आहे. हे बेकायदेशीर असल्याचा आरोप कॅप्टन विरियेतो फर्नांडिस यांनी केला आहे. याबाबत कोणतीही परवानगी घेतली नसल्याचे ते म्हणाले.
उपलब्ध माहितीनुसार, सदर ठिकाणी मातीची चाचणी करण्यासाठी म्हणून खोदकाम सुरू असल्याचे सांगण्यात आले. मात्र हे उत्खनन सुरू असून बेकायदेशीररित्या इथे क्रशरचे काम सुरू आहे. याला परवानगी कोणी दिला, हा प्रश्न आता उपस्थित झाला आहे.
या जमिनीत खनिजे असण्याची शक्यता आहे. त्यामुळे यातून बेकायदेशीररित्या खनिजे आणि बॉक्साईटचे उत्खनन होत असल्याचा आरोप विरियेतो फर्नांडिस यांनी केला आहे. याला कोणत्याही सरकारी कार्यालयाची परवानगी नाही. त्यामुळे प्रशासनाने याबाबत स्पष्टीकरण द्यावे, अशी मागणी त्यांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.