Goa Government invokes ESMA For Pharma Companies: औषध निर्मिती ही अत्‍यंत महत्त्‍वाची बाब असल्‍याने फार्मा कंपन्‍यांमधील कर्मचाऱ्यांना संप करण्‍यास बंदी करण्‍यासाठी राज्य सरकारने ‘एस्‍मा’ लागू केला आहे. या निर्णयाचे फार्मा कंपन्‍यांची संघटना तसेच उद्योग संघटनेकडून स्‍वागत करण्यात आले आहे.
‘एस्‍मा’ सरकारला आपत्कालीन परिस्थिती, संप किंवा त्यांच्या कामकाजात व्यत्यय आणू शकणाऱ्या इतर परिस्थितीत अत्यावश्यक सेवांच्या कामकाजाचे नियमन करण्याचा अधिकार देते. उपरोक्‍त पाऊल उचलल्‍याने कंपन्‍यांना उत्‍पादकता वाढविता येणार आहे.
दरम्‍यान, सरकारच्या वतीने औषध निर्मात्‍या कंपन्‍यांना मार्गदर्शक सूचनाही करण्यात आल्‍या आहेत.
गोवा राज्य फार्मा हब म्‍हणून ओळखले जाते. गोव्यात अनेक फार्मा कंपन्या कार्यरत आहेत. कोरोना महारोगराई काळात देशता तयार होणाऱ्या लसींपैकी अनेक लसींचे मोठ्या प्रमाणातील उत्पादन गोव्यातील कारखान्यांमधून तयार करण्यात आले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.