फातोर्डा (Fatorda): मडगाव परिसरात पदपथावर विक्रेत्यांचे बेकायदेशीरपणे अतिक्रमण नित्याचे झाले आहे. आता त्याही पलीकडे जाऊन अजूनपर्यंत उद्‍घाटन न झालेल्या आके येथील वॉकिंग ट्रॅकवर या विक्रेत्यांनी आपल्या वस्तू विक्रीसाठी ठेवल्या आहेत.मडगाव नगरपालिका अधूनमधून या पदपथावरील विक्रेत्यांवर कारवाई करीत असते. याबरोबरच नगरपालिकेचे फिरते कारवाई पथक पदपथावर अतिक्रमण केलेल्या विक्रेत्यांवर कारवाई करीत असते.
मात्र, नव्याने बांदकाम केलेल्या आणि उद्‍घाटनाच्या प्रतीक्षेत असलेल्या या ‘वॉकींग ट्रॅक’वर झालेले अतिक्रमण नगरपालिकेच्या फिरत्या कारवाई पथकाला दृष्टीस पडत नाही का असा प्रश्न सामान्य नागरिकांना पडला आहे. या ‘वॉकिंग ट्रॅक’वर फळ विक्रेत्यांसह फुलझाडे विक्री करणाऱ्यांनीही आपला माल ठेवून अतिक्रमण केले आहे. हा ‘वॉकिंग ट्रॅक’ आके येथील अग्निशमन दल कार्यालयाच्या पाठीमागून पॉवर हाऊसपर्यंत जाणाऱ्या बाह्य रस्त्याच्या समांतर नव्याने बांधण्यात आला आहे
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.