Dabolim Airport : एका 65 वर्षीय महिलेची प्रकृती अचानक बिघडल्याने शुक्रवारी सायंकाळी एका एअरलाईन कंपनीच्या विमानाचे दाबोळी विमानतळावर इमर्जन्सी लॅन्डिंग करण्यात आले. काही दिवसांपूर्वी या महिलेची अॅजिओप्लास्टी झाली होती. याप्रकरणी दाबोळी विमानतळ पोलिस अधिक तपास करीत आहेत.
याबाबत अधिक माहिती अशी की, 65 वर्षीय लीला जोझेफ दुबईहून त्रिची-तामिळनाडू येथे जाणाऱ्या विमानात प्रवास करीत होत्या. यावेळी त्यांची अचानक प्रकृती बिघडल्याने विमानाचे दाबोळी विमानतळावर इमर्जन्सी लॅन्डिंग करण्यात आले.
विमानाचे इमर्जन्सी लॅन्डिंग करण्यात आल्याने विमानतळावरील यंत्रणेची धावपळ उडाली. इमर्जन्सी लॅन्डिंगनंतर लीला यांना तत्काळ चिखली येथील उपजिल्हा रुग्णालयात नेण्यात आले. मात्र वाटेतच लीला यांचा मृत्यु झाला.
यानंतर लीला यांचा मृतदेह मडगावातील जिल्हा रुग्णालयाच्या शवागृहात पाठवून देण्यात आला. लीला यांचा मृत्यु हृदयविकाराच्या झटक्याने झाला असावा असा संशय पोलिसांनी व्यक्त केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
