फातोर्डा: महाराष्‍ट्र, गोवा आणि कर्नाटक या तीन राज्यांना जोडणाऱ्या कोकण रेल्वे प्रकल्‍पाच्‍या विद्युतीकरणाचे काम 100 टक्के पूर्ण झाले असून येत्या काही दिवसांत या मार्गावरून विजेवर रेल्वे धावणार आहे, अशी माहिती रेल्वे राज्यमंत्री रावसाहेब दानवे यांनी ट्विट करून दिली आहे. रोहा ते ठोकूरदरम्यान 764 किलोमीटरचा रेल्वेमार्ग आहे. या मार्गावर कारवार, बंगळूर, रत्नागिरी ते दादर अशी रेल्वेस्थानके आहेत. या मार्गावर विजेवर चालणाऱ्या रेल्वेची सुरुवात करण्यात आली आहे.
गोव्यातील थिवी ते रत्नागिरी आणि थिवी ते मडगाव रेलमार्गाची पाहणी रेल्वे सुरक्षा आयुक्त मनोज अरोरा आणि अन्य अधिकाऱ्यांनी केली आणि या रेल्वे रेल्‍वेला हिरवा कंदील दाखविला आहे.या प्रकल्पाची पायाभरणी 2015 मध्ये करण्यात आली होती. याचा एकूण खर्च 1287 कोटी रूपये एवढा आहे. या प्रकल्पाचे काम सहा टप्‍प्यांमध्ये करण्यात आले असून आठ वर्षांनंतर मार्च 2022 मध्ये या प्रकल्पाचे काम पूर्ण झाले आहे. विजेवर चालणाऱ्या रेल्वेमुळे दरवर्षी इंधनाचे 150 कोटी रुपये वाचतील. हा प्रकल्प प्रदूषणमुक्त असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
