Sattari Power Cut: : सत्तरी तालुक्यात वीज पुरवठा करणाऱ्या आमोणा येथील 33 केव्ही वीज वाहिनीवर झाड पडल्यामुळे सत्तरी तालुक्यात बत्ती गुल झाली आहे. दरम्यान, फणसवाडी नावेली येथे वीजेच्या तारांवर गुलमोहराचे झाड पडल्याने त्याचा परिणाम वाळपई उपकेंद्रावर झाला आहे. त्यामुळे वाळपई भागात वीज पुरवठा खंडीत झाला आहे.
दरम्यान, वीजतारांवरील हे झाड हटविण्यासाठी अग्निशमन दलाचे जवान आणि वीज खात्याचे कर्मचारी कार्यरत आहेत.
गेल्या काही दिवसात गोव्यात पावसाने जोर धरला आहे. या काळात अनेक ठिकाणी झाडे कोसळण्याच्या घटना घडल्या आहेत. दुपारी अडीच वाजल्यापासून दाबोस पाणी प्रकल्पावरील वीजपुरवठा खंडित झाल्याने प्रकल्पातील काम थांबले आहे.
त्यामुळे या भागात पुढील दोन दिवस संबंधित भागांमध्ये पाणी टंचाई जाणवण्याची शक्यता आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.