हरमल पंचायत क्षेत्रातील देऊळवाडा येथील श्री रवळनाथ मंदिराच्या मार्गातील ११ केव्हीच्या भूमिगत वीजवाहिन्यांच्या कामास मांद्रे मतदारसंघाचे आमदार जीत आरोलकर यांच्या हस्ते प्रारंभ करण्यात आला.
या कामावर १ कोटी २० लाख रुपये खर्च केले जातील, अशी माहिती आरोलकर यांनी दिली.
हरमल पंचायत क्षेत्रात रस्ते व वीज खात्याच्या अखत्यारित ही कामे मार्गी लागली आहेत. त्यात केबलिंग व ट्रान्सफॉर्मरचे काम केले जाईल. या कामाबाबत अल्पावधीतच मुख्यमंत्री डॉ. प्रमोद सावंत व वीजमंत्री सुदिन ढवळीकर यांनी सहकार्य केल्याबद्दल त्यांचे आभारी असल्याचे आमदार आरोलकर यांनी सांगितले.
ही कामे बरीच वर्षे प्रलंबित होती. यावेळी सरपंच रजनी इब्रामपूरकर, उपसरपंच अनुपमा मयेकर, पंच सोनाली माज्जी, सांतान फर्नांडिस, सुशांत गावडे, दिव्या गडेकर, भिकाजी नाईक, अभियंता रामानंद पेडणेकर, ग्रामस्थ उपस्थित होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
