Goa Education institution: शिक्षण संस्‍थांनी अंगणवाड्या, बालवाड्या दत्तक घ्याव्यात

पणजी: बालवाडी आणि अंगणवाडी हा शिक्षणाचा पाया आहे. हा पाया अधिक मजबूत व्‍हावा यासाठी मोठ्या शिक्षण संस्‍थांनी पुढे यावे, आणि आपल्‍या परिसरातील अंगणवाड्या किंवा बालवाड्या दत्तक घ्याव्‍यात, असे आवाहन शिक्षण संचालक शैलेश झिंगडे यांनी परिपत्रकाद्वारे केले आहे.

(Educational institutions in Goa should adopt Anganwadis, Kindergartens)

राज्‍यातील सर्व माध्यमिक आणि उच्च माध्यमिक शाळा प्रमुखांनी किमान एक अंगणवाडी दत्तक घ्यावी. या बालवाडीत जाणाऱ्या विद्यार्थ्यांना सर्वोत्कृष्ट सुविधा मिळाव्यात यासाठी प्रयत्‍न करावेत, असे या परिपत्रकात म्‍हटले आहे. संस्था प्रमुखांनी संबंधित व्यवस्थापनांशी सल्लामसलत करून परिसरातील बालवड्यांची माहिती घेऊन दत्तक घेण्यासंबंधी शुक्रवार 5 ऑगस्टपर्यंत खात्‍याकडे माहिती सादर करावी, असे आवाहन या परिपत्रकाद्वारे करण्यात आले आहे.

हे परिपत्रक ऐच्‍छिक असून मोठ्या शिक्षण संस्‍थांनी बालवाड्या किंवा अंगणवाड्या दत्तक घेतल्‍यास शिक्षणाचा पाया अधिक मजूबत होईल. केवळ माध्यमिक किंवा उच्च माध्यमिक शाळांनीच नव्‍हे तर राज्यातील महाविद्यालयांनीही पुढाकार घ्यावा असे आवाहन आहे. दत्तक घेण्यासाठी कोणत्‍याही शिक्षण संस्‍था पुढे आल्‍यास त्‍यांचे स्‍वागत आहे. - शैलेश झिंगडे, शिक्षण संचालक

...अन्यथा वीज, पाण्यावर लागणार व्यावसायिक शुल्क

पोलिसांनी राज्‍यातील भाडेकरूंची माहिती वीज आणि साबांखाला द्यावी. वीज आणि पाण्याच्‍या जोडण्यांचा वापर व्यावसायिक कारणांसाठी केला जात असेल, तर अशा लोकांकडून व्यावसायिक दराने शुल्क आकारावे, अशी सूचना मुख्यमंत्री डॉ. प्रमोद सावंत यांनी केली. मुख्यमंत्र्यांनी नुकतीच सर्व खात्‍यांच्‍या सचिवांची बैठक बोलावली होती. या बैठकीत त्‍यांनी हे निर्देश दिले.

केंद्र आणि राज्‍य सरकारच्‍या अनेक सामाजिक योजना आहेत. त्‍या तळागाळापर्यंत पोहोचणे आवश्‍यक आहे. अनेक लोकांना सरकारी योजनाच माहीत नसते. यासाठी प्रत्‍येक खाते प्रमुखांनी आपल्‍या खात्‍यात नोडल अधिकाऱ्यांची नेमणूक करावी, अशी सूचना केली.