पणजी: करंजाळे येथील मोक्याच्या जमिनीच्या अवैध हडप प्रकरणात मनी लॉन्डरिंग प्रतिबंधक कायदा २००२ अंतर्गत मॉडेल्स रियल इस्टेट डेव्हलपर्स आणि त्यांच्या भागीदारांच्या निवासी व व्यावसायिक आस्थापनांवर झडती घेण्यात आली.
अंमलबजावणी संचालनालयाच्या (ईडी) पणजी विभागीय कार्यालयाने १६ डिसेंबर रोजी ही कारवाई केली असून ईडीने अनेक महत्त्वाचे पुरावे जप्त केले आहेत. यामध्ये विविध आक्षेपार्ह कागदपत्रे, डिजिटल उपकरणे आणि विशेषतः दिवंगत पीटर वाझ यांच्याशी संबंधित मालमत्तेची कागदपत्रे मिळाली आहेत.
ईडीने दिलेल्या माहितीनुसार जप्त केलेल्या कागदपत्रांमध्ये २ फेब्रुवारी २००७ रोजीचा खरेदी-विक्री करार आणि दिवंगत पीटर वाझ यांनी दुबई, यूएई येथे खरेदी केलेल्या एका मालमत्तेची ‘शीर्षक कागदपत्रे’ यांचा समावेश आहे.
ईडीच्या अधिकाऱ्यांनी दिलेल्या माहितीनुसार, ही कारवाई एका मोठ्या जमीन हडप प्रकरणाच्या सुरू असलेल्या पीएमएलए तपासाचा भाग आहे. या प्रकरणात करंजाळे येथील एका महत्त्वाच्या मालमत्तेचे बेकायदेशीर अधिग्रहण केल्याचा आरोप आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
