Delhi Liquor Scam: केजरीवाल यांची अटक कायदेशीर; गोवा निवडणुकीतील मनी ट्रेलबाबत ED कडे भरपूर पुरावे

Delhi Liquor Scam

दिल्ली उच्च न्यायालयाने अरविंद केजरीवाल यांची अटक कायदेशीर ठरवली आहे. कथित दारू घोटाळा प्रकरणात ईडीने केलेल्या अटक आणि रिमांडला केजरीवाल यांनी आव्हान दिले होते.

या याचिकेवर सुनावणी करताना उच्च न्यायालयाने केजरीवाल यांची अटक बेकायदेशीर नसून, ईडीने पुरेसे पुरावे दिल्यानंतर त्यांना अटक करण्यात आल्याचे स्पष्ट केले.

उच्च न्यायालयाने ईडीचा रिमांड कायदेशीर असल्याचे घोषित करत, तपासाची प्रक्रिया ठरवण्याचा अधिकार आरोपीचा असू शकत नाही, असेही न्यायालयाने म्हटले आहे.

निकाल देताना दिल्ली उच्च न्यायालयाने गोवा निवडणुकीशी संबंधित मनी ट्रेलचाही उल्लेख केला. याप्रकरणी ईडीने पुरेसे पुरावे दिले आहेत, असे उच्च न्यायालयाने म्हटले आहे.

आम आदमी पक्षाच्या गोव्यातील उमेदवारांचे जबाब नोंदविण्यात आले असून, यात त्यांनी पैशाचा मुद्दा मान्य केला आहे. उच्च न्यायालयाने एनडी गुप्ता आणि आम आदमी पक्षाचे उमेदवार यांच्या वक्तव्याचा उल्लेख केला.

ईडीकडे भरपूर पुरावे आहेत, असे न्यायालयाने म्हटले आहे. गोवा निवडणुकीत खर्चासाठी पैसे दिल्याचे मान्य केले, त्यात हवाला डीलर्सची विधाने, मंजूर करणाऱ्यांची विधाने आहेत, याशिवाय आम आदमी पार्टीच्या सदस्यांची विधानेही आहेत.

केजरीवाल यांची अटकेत कायद्याचे उल्लंघन झालेले नाही तसेच कोठडी बेकायदेशीर देखील म्हणता येणार नाही, असे न्यायालयाने म्हटले आहे.