E vehicle : शेवटच्या दोन दिवसांत 166 ई-वाहनांची नोंदणी

पणजी : राज्य सरकारने इलेक्ट्रिक वाहनांवरील अनुदान 1 ऑगस्टपासून बंद करणार असल्याची घोषणा केल्यानंतर 30 आणि 31 जुलै रोजी वाहनांच्या नोंदणीसाठी वाहतूक खात्याची सर्व कार्यालये खुली ठेवण्यात आली होती. या दोन दिवसांत एकूण 166 ई-वाहनांची नोंदणी झाल्याची माहिती वाहतूक खात्याने दिली आहे.

केवळ 31 जुलैपर्यंत नोंदणी केलेल्या वाहनांवर अनुदान मिळणार असल्याने खात्याने लोकांच्या सोयीसाठी कार्यालये खुली ठेवली होती. त्याचा लाभ लोकांनी घेतलेला दिसतो.

अनुदान योजना संपुष्टात आली असून, याचा ई-वाहन विक्रीवर परिणाम होणार की नाही, असा प्रश्‍न निर्माण झाला आहे. पुढील दोन महिन्यांची आकडेवारी आल्यानंतरच याचा अंदाज लावता येईल, असे मत तज्‍ज्ञांनी व्यक्त केले आहे.