कुडचडे : काल रात्री पासून पडत असलेल्या पावसामुळे काकोडा येथे धनगर वाड्यावर जाणाऱ्या रस्त्यावरील साकवावरून पाणी वाहू लागल्याने धनगर वाड्यावरील लोकांना आपल्या कामावर जाण्यासाठी पाणी ओसरण्याची वाट पहावी लागली. या वाड्यावर जाण्यासाठी हा एकमेव रस्ता असल्याने गावातील बरेच बरेच लोक खोळंबून पडले होते.
काकोडा कुडचडे पालिकेच्या कचरा प्रक्रिया प्रकल्पावर जाण्यासाठी याच रस्त्याचा उपयोग होत असल्याने कचऱ्याची काही वाहने अडकून पडली होती सदर साकव मोठी पाईपे घालून तयार करण्यात आला असून पाण्याच्या झोताने साकवाची बरीच हानी झाली आहे.
दरम्यान,काही ठिकाणी वाऱ्यासह आलेल्या पावसामुळे शेल्डे व अवेडे येथे घरावर झाडे कोसळण्याच्या घटना घडल्या असून यात कुणालाही गंभीर दुखापत झाली नसल्याचे कुडचडे अग्निशामक दलाने सांगितले. शेल्डे येथे घरावर झाड पडल्याने सुमारे दहा हजार रुपयांचे नुकसान झाले असल्याचे सांगण्यात आले आज दिवसभरात वेगवेगळ्या ठिकाणी पावसामुळे पडझड झाल्याने अग्निशामक जवानांना स्थिती आटोक्यात आणण्यासाठी बरीच धावपळ करावी लागली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
