मुरगाव पालिका तिजोरीत खडखडाट निर्माण झाल्याने पालिकेला कर्मचाऱ्यांचा पगार घालण्यास तारेवरची कसरत करावी लागते. गेल्या महिन्याचा पगार कर्मचाऱ्यांना नोव्हेंबर महिन्याच्या शेवटला देण्यात आला. त्यामुळे कर्मचाऱ्याचे वेतनाविना हाल झाले. दरम्यान आता याचा परिणाम नादुरुस्त झालेली वाहने दुरुस्त करण्यास पालिकेजवळ पैसे नसल्याने पालिकेचा कचरा वाहू कॉम्पॅक्टर गेले दहा दिवस उडी बेलाबाय येथे नादुरुस्त झाल्याने तसाच पडून आहे. सदर कॉम्पॅक्टर रस्त्याच्या एका बाजूला उभा करून ठेवण्यात आला आहे. सूत्रांकडून मिळालेल्या माहितीनुसार सदर कचरा वाहू कॉम्पॅक्टरच्या स्टाटर मध्ये बिघाड झाली असून त्याची किंमत जेमतेम तीन हजार रुपये आहे. तो स्टार्टर घालायला पालिके जवळ पैसे नाही. त्यामुळे गेले दहा दिवस सदर कॉम्पॅक्टर एकाच ठिकाणी नादुरुस्त अवस्थेत धूळ खात पडलेला आहे.
याव्यतिरिक्त पालिका गॅरेजमध्ये कचरा वाहू दोन मोबाइल व्हॅन गेले महिनाभर बंद अवस्थेत आहेत. सदर व्हॅन टायर नसल्याने ते तसेच धूळ खात पडून आहे. पालिके जवळ सध्या या वहानाना टायर घालण्यासाठी पैसे नसल्याचे सांगण्यात आले. सदर वाहने कित्येक दिवस बंद असल्याने त्याचा दुरुस्तीसाठी अतिरिक्त खर्च वाढू शकतो. कारण सध्या सदर वाहने पूर्णपणे बंद आहे. ती वहाने गंजून जाऊ शकतात. तसेच इंजिन बंद असल्याने इंजिनमध्ये बिघाड होऊ शकतो. हल्लीच चिखली पंचायतीतर्फे मुरगाव पालिकेला कचरा वाहू कॉम्पॅक्टर बहाल करण्यात आला आहे. त्यामुळे जुन्या वाहनाकडे दुर्लक्ष करण्यात येते काय असा सवाल नागरिकांकडून उपस्थित करण्यात येत आहे. सदर वाहने नादुरुस्त असल्याने कचरा उचल व्यवस्थित होत नसल्याने कचरा समस्या जटील बनली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
