Dudhsagar Reopen: दुधसागर खुला होताच गर्दी, वन विभागाकडून पर्यटकांचे स्वागत

Dudhsagar Open For Tourist: दुधसागर धबधबा आणि परिसर पर्यटकांसाठी खुला करण्यात आला आहे. धबधबा खुला करण्यात आल्यानंतर पहिल्याच दिवशी मोठ्या प्रमाणावर पर्यटकांची गर्दी पाहायला मिळाली.

जवळपास तीन महिन्यानंतर धबधबा पर्यटकांसाठी खुला करण्यात आल्याने पर्यटकांमध्ये उत्साह पाहायला मिळत आहे.

पावसाळ्यात गोव्यातील धबधब्यांवर झालेल्या विविध दुर्घटनांमध्ये काही स्थानिक व पर्यटकांचा मृत्यू झाला होता. त्यानंतर वन परिसरातील धोकादायक धबधबे पर्यटनासाठी बंद करण्यात आला होते.

दरम्यान, धबधबा परिसर पर्यटनासाठी खुला करण्यात आल्यानंतर पहिल्याच दिवशी मोठ्या प्रमाणावर पर्यटकांनी धबधब्यावर गर्दी केली. वन विभागाच्या अधिकाऱ्यांनी पर्यटकांचे गुलाब पुष्प देऊन स्वागत केले.

'गोव्याचे भूषण असलेला दूधसागर पुन्हा एकदा पर्यटकांसाठी खुला करण्यात आला आहे. सुरक्षित आणि जबाबदार पर्यटनाचा आनंद घेऊया आणि त्याचे नैसर्गिक सौंदर्य पिढ्यान्पिढ्या टिकवून ठेवूया,' असे आवाहन वन विभागाच्या वतीने करण्यात आले आहे.