बदनामीप्रकरणी डिसोझा यांची तक्रार

Goa News: समाजमाध्यमावर खोटी बातमी पसरवून आमची व आपल्या व्यवसायाची बदनामी केल्याचा आरोप मद्य व्यवसायाशी संबंधित असलेल्या धुल्लगाळ-शेळी लोलये येथील डॉरेटी डिसोझा व लिगोरियो डिसोझा यांनी सोमवारी पत्रकार परिषद घेऊन केला.

आमच्या व्यावसायाशी संबंधित असलेल्या गाड्या रस्त्यावर अडवून वाहन चालकांना धमक्या दिल्या जात आहेत. संदर्भात काणकोण पोलिसांत रीतसर तक्रार दाखल केली आहे.

काणकोणात काही खाजगी समाजमाध्यमावर खोट्या बातम्या पसरवून खंडणी वसूल करण्याच्या प्रकारात वाढ झाली आहे.

या संदर्भात पोलिसांनी दखल घेण्याची मागणी डिसोझा यांच्या कुटुंबीयांनी केली आहे.परिषदेला लोलये पंचायतीचे माजी सरपंच सांतान कॉस्ता उपस्थित होते.

निरीक्षक चंद्रकांत गावस म्हणाले, समाजमाध्यमावर डिसोझा यांच्या व्यवसायासबंधी बातम्या प्रसारित करणाऱ्याला व तक्रारदार डिसोझा कुटुंबीयांना बुधवारी पोलिस ठाण्यात बोलाविले असल्याचे त्यांनी सांगितले.