Margao Drugs Case: नागोवा येथे 4 लाखांचे ड्रग्ज जप्त, अमली पदार्थ विरोधी पथकाची मोठी कारवाई

Margao Drugs Case काही वर्षापूर्वी केवळ किनारपट्टी भागापुरता मर्यादित असलेला ड्रग्स व्यवसाय आता गोव्यात खेड्यापाड्यापर्यंत पोहोचला आहे. गुन्हेगारी आणि अपघातांचे सत्र रोखण्यासाठी गोवा पोलीस, गोवा वाहतूक पोलीस त्यांचे काम करत आहेत. यासोबतच गोव्यात अमली पदार्थांची तस्करी रोखण्यासाठी अंमली पदार्थ विरोधी पथकही सतर्कतेने कार्यरत असल्याचे या पथकाच्या छापेमारीवरून वेळोवेळी दिसून येते.

नुकतंच मडगाव येथील नागोवा येथे गोवा पोलिसांच्या अमली पदार्थ विरोधी पथकाने छापा टाकून एकाला अटक केलीय. हडमना उर्फ हनुमान राम (वय 32, रा. राजस्थान) याला अटक करण्यात आली आहे. त्याच्याकडून पोलिसांनी 4 लाख रुपये किमतीचे ड्रग्ज जप्त केलेय. गोव्यात अमली पदार्थ विरोधी पथक अशा घटनांवर वेळोवेळी कारवाई करत असून राज्यातील अनेक ड्रग्ज प्रकाराने उघड होत आहेत.

काही दिवसांपूर्वी शिवोली आणि सासष्टी या ग्रामीण भागात देखील या पथकाने कारवाई करत लाखोंचे ड्रग्ज जप्त केले होते. एकूणच गोव्यातील वाढत जाणारे ड्रग्जचे प्रमाण हा चिंतेचा विषय बनत आहे.