Goa Accident Case: मयेत व्हॅनची झाडाला धडक चालक गंभीर, गोमेकॉत दाखल

Mayem Accident Case: मये-पैरा रस्त्यावरील अर्धवाडा-मये परिसरात शुक्रवारी रात्री ११.३० च्या सुमारास रस्त्यालगतच्या फणसाच्या झाडाला कारची धडक बसून झालेल्या अपघातात पैरा येथील चालक युवक गणेश घाटवळ हा गंभीर जखमी झाला.

जखमीवर बांबोळी येथील गोमेकॉत उपचार सुरू असून, त्याची प्रकृती चिंताजनक आहे.

प्राप्त माहितीनुसार गणेश घाटवळ याचा एक पाय मोडला असून मूत्रपिंडालाही मार बसला आहे.या अपघातात कारची पूर्णतः मोडतोड झाली. चालकाचे नियंत्रण गेल्याने हा अपघात घडल्याचा अंदाज वर्तवण्यात येत आहे.

उपलब्ध माहिती अशी, की (जीए-०४-ई-३६७१) ही व्हॅन पैराच्या दिशेने जाताना अर्धवाडा-मये येथे रस्त्याच्या डाव्या बाजूला असलेल्या फणसाच्या झाडाला व्हॅनची धडक बसली.

धडक एवढी जबरदस्त होती, की आवाजाबरोबर शेजारील घरांतील लोक जागे झाले. त्यांनी बाहेर धाव घेऊन गाडीत अडकलेल्या चालकाला बऱ्याच प्रयत्नाअंती बाहेर काढून लागलीच त्याला इस्पितळात नेले.