Dharbandora Accident: धारबांदोड्यात कार दरीत उलटून चालकाचा मृत्यू

Dharbandora Accident: भूमिकानगर-धारबांदोडा येथील वळणावर आज सकाळी 11.15 वाजता कार दरीत कोसळून चालकाचा जागीच मृत्यू झाला.

कर्नाटकहून फोंडा येथे येताना ब्रीजा कारचालकाचे (क्र. केए 03 एनएन 2470) भूमिकानगर येथे वळणावर नियंत्रण सुटले आणि कार दरीत कोसळली. या घटनेतील अन्य तीन किरकोळ जखमींवर पिळये-तिस्क येथील आरोग्य केंद्रात उपचार सुरू आहेत.

विनोद कुमे कृष्णाप्पा (31, बंगळुरू) असे चालकाचे नाव आहे. तर दुनियागु स्लो-मिनिजानिअप्पा मी. (40, बंगळुरू), वेंकटावरी सो एक्सलगंजू एयू एजर (38, बंगळुरू) व लोकेश जंगप्पा हे तिघे जखमी झाले. फोंडा पोलिसांनी या अपघाताची नोंद केली आहे.

कठड्यांचा अभाव

कर्नाटकहून गोव्यात वाहने घेऊन येणाऱ्या प्रत्येक चालकाची अल्कोहोल तपासणी व्हावी. आजचा अपघातही दारूच्या नशेत घडल्याची शक्यता आहे.

तसेच भूमिकानगर येथील बायपासच्या वळणावर रस्त्याच्या बाजूला सुरक्षा कठडे नसल्याने येथे वारंवार अपघात घडत आहेत. या ठिकाणी तत्काळ कठडे उभारावेत, अशी मागणी समाजसेवक गणपत कुर्टीकर यांनी केली आहे.