Atal Setu Reopens: अटल सेतू वाहतुकीसाठी अखेर खुला; कोंडीपासून वाहनचालकांना दिलासा

Atal Setu Reopens: राज्यात सोमवारपासून सुरू होणाऱ्या जी 20 शिखर परिषदेच्या पार्श्‍वभूमीवर रविवारी दुपारपासून अटल सेतू महिन्यानंतर वाहतुकीसाठी पूर्णपणे खुला झाला.

त्यामुळे पणजी ते पर्वरी तसेच मेरशीपर्यंत महामार्गावर होणाऱ्या वाहतूक कोंडीपासून दिलासा मिळाला आहे. डागडुजी, डांबरीकरणाच्या कामामुळे पूल बंद ठेवल्याने वाहनचालक त्रस्त झाले होते.

‘अटल सेतूवरील रस्त्याच्या सर्व लेन्स दुपारी 1 वाजल्यापासून खुल्या झाल्या आहेत. या सेतूच्या कामावेळी लोकांनी संयम राखून केलेल्या सहकार्याद्दल आभारी आहोत. लोकांना या कामाच्यावेळी झालेल्या मनस्तःपामुळे दिलगिरी व्यक्त करतो. असे मुख्यमंत्री डॉ. प्रमोद सावंत म्हणाले.