Salcete News: सासष्टी, : गोव्याचे माजी प्रसिद्ध डॉक्टर, लेखक, इतिहासकार, अर्थशास्त्रज्ञ व पोर्तुगीज संसदेतील माजी खासदार डॉ. फ्रांसिस लुईस गोम्स यांच्या कांस्य पुतळ्याची उभारणी पुढील दीड ते दोन महिन्यात पूर्ण होईल, असे माजी खासदार लुईझिन फालेरो यांनी सांगितले.
यावेळी नावेलीचे आमदार उल्हास तुयेकर, रेव्ह फा. गाब्रिएल कुतिन्हो, सरपंच लुसिया कार्वाल्हो उपस्थित होते. डॉ. गोम्स यांच्या १५४ व्या पुण्यातिथी दिनी आयोजित कार्यक्रमात फालेरो ते बोलत होते.
फालेरो म्हणाले, की आपण राज्यसभा खासदार असताना खासदार निधीतून या कामासाठी मंजुरी मिळविली होती व २५ लाख रुपये मंजूर केले होते. आता लवकरच पुतळा उभारला जाणार आहे. सार्दिन यांनी आणखी ३५ लाख रुपये मंजूर करुन घेतल्याचे यावेळी सांगण्यात आले.
घराची दुरुस्ती करा
कोलमोरोड, नावेली येथे ज्या घरात डॉ. गोम्स रहात होते ते अगदी मोडकळीस आले आहे. या घराची दुरुस्ती त्याची देखभाल करण्याची मागणी स्थानिकांनी केली आहे.
मडगावचे माजी नगराध्यक्ष व शेडो कौन्सिलचे निमंत्रक सावियो कुतिन्हो यांनी सांगितले, की डॉ. गोम्स यांच्या घराचे जतन करणे हे सरकारचे कर्तव्य आहे. मात्र त्यासाठी सरकारची अनास्था दिसून येत आहे. हे घर दुरुस्त करुन त्यात संग्रहालय सुरु करणे उचित ठरेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.