Bicholim News : सामाजिक, कला, संस्कृती क्षेत्रात सम्राट क्लबचे कार्य उल्लेखनीय : डॉ. चंद्रकांत शेट्ये

Bicholim News : डिचोली सामाजिक कार्यासह कला आणि संस्कृती क्षेत्रात सम्राट क्लबचे कार्य उल्लेखनीय आहे, असे मत आमदार डॉ. चंद्रकांत शेट्ये यांनी व्यक्त केले. डिचोली सम्राट क्लबतर्फे काढण्यात आलेल्या ''डायरी''चे लोकार्पण केल्यानंतर डॉ. शेट्ये बोलत होते.

यावेळी सम्राट क्लबचे राज्य अध्यक्ष अवीन नाईक, पत्रकार रविराज च्यारी, डिचोली क्लबचे अध्यक्ष राहुल कवळेकर, खजिनदार गोपाळ मोरजकर, सचिव यदुनाथ शिरोडकर, विद्याधर शिरोडकर, गुरुदास कोरगावकर आदी उपस्थित होते.

समाजहिताचे उपक्रम राबविण्यावर सम्राट क्लबचा भर असतो. असे अवीन नाईक म्हणाले. राहुल कवळेकर यांनी स्वागत केले. प्रवीण सावंत यांनी सूत्रसंचालन केले. यदुनाथ शिरोडकर यांनी आभार मानले. या सोहळ्यास भारत चणेकर, नरहरी सावंत, श्रीधर मयेकर, श्री. लिंगडकर, समरेश काणेकर आदी सदस्य उपस्थित होते.