Mahadayi Water Dispute: म्हादईसाठी पेडणेत घरोघरी कलश पूजन

Mahadayi Water Dispute: म्हादई नदी वाचवण्यासाठी पेडणे तालुक्यासह मांद्रे मतदारसंघातील अनेक घराघरांत कलश पूजन करण्यात आले. यानिमित्त दिवाबत्ती लावून देवाकडे म्हादईसाठी प्रार्थनाही करण्यात आली.

मांद्रे येथे सर्वपक्षीय स्थानिक कार्यकर्ते सरपंच, उपसरपंच, पंच सदस्य, नागरिक, पर्यावरण प्रेमी यांची एक बैठक आयोजित केली होती.

यावेळी राजकीय मतभेद बाजूला ठेवून केवळ आपली जीवनदायिनी म्हणून प्रसिद्ध असलेली म्हादई हिला वाचवण्यासाठी प्रत्येकाने घरोघरी कलश पूजन दिवाबत्ती लावावी, असे आवाहन केले होते. या आवाहनाला प्रतिसाद देत अनेक नागरिकांनी आपल्या घरोघरी कलशाचे पूजन केले.