गोव्यातील दोन लोकसभा मतदारसंघासाठी आज (मंगळवार, दि.०७ मे) मतदान होत आहे. राज्यात सकाळी नऊपर्यंत 13.02 टक्के मतदान झाले आहे. राज्यात मतदानाची घाई सुरु असताना भाजपच्या माजी मंत्र्यांनी राज्यातील काही चर्च वरोधात वक्तव्य केले आहे.
राज्यातील काही चर्चेसनी भाजप विरोधात मतदान करण्याचे आवाहन केल्याचा आरोप त्यांनी केला आहे.
गोव्याचे माजी भाजप मंत्री आणि कुडचडेचे आमदार निलेश काब्राल यांनी मतदानाचा हक्क बजावल्यानंतर प्रसार माध्यमांशी संवाद साधला. राज्यातील काही चर्चमधून भाजपला मतदान न करण्याचे आवाहन करण्यात आल्याचे काब्राल यांनी सांगितले.
याबाबत त्यांच्याकडे पुरावे असून, योग्य वेळ आल्यानंतर बाहेर काढू असेही काब्राल म्हणाले. चर्चमधून अशाप्रकारचे आवाहन करणे योग्य नसल्याचे देखील त्यांनी म्हटले.
काब्राल यांनी चर्चमधून केल्या जात असलेल्या अशा आवाहनाबाबत नाराजी व्यक्त केली, तसेच योग्य उमेदवाराला मतदान करावे असे त्यांनी सांगणे अपेक्षित असल्याचे ते म्हणाले.
दरम्यान, राज्यात सकाळपासून विविध मतदान केंद्रावर मतदान करण्यासाठी नागरिक हजेरी लावत आहेत. सकाळी नऊपर्यंत राज्यात एकूण 13.02 टक्के मतदान झाले असून, उत्तेरत 12.80 तर दक्षिणेत 13.24 टक्के मतदानाची नोंद झालीय.
राज्यातील लोकसभा उमेदवार श्रीपाद नाईक, रमाकांत खलप, पल्लवी धेंपे, विरियातो फर्नांडिस, मनोज परब यांनी मतदानाचा हक्क बजावला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
