Dusshera Utsav 2023 :धनगर समाजाकडून दसरोत्सव उत्साहात

Dusshera Utsav 2023 : पर्ये, केरी-सत्तरीत धनगर समाजातर्फे पारंपरिक दसरोत्सव साजरा करण्यात आला.

केरी परिसरातील धनगरवाडा येथे धनगर समाजाची मोठी वस्ती आहे. त्याच बरोबर घोटेली १, चौथुरा आणि हद्दवाडी अशा ठिकाणी यांची काही घरे आहे.

हे सर्व बांधव एकत्र दसरा साजरा करतात. यानिमित्ताने ते सर्व बांधव एकमेकांच्या घरी जाऊन दसऱ्याचे पारंपरिक विधी आणि चपय - गजापोवा नृत्य सादर करण्यात आले.

या नवव्या आणि दसऱ्या दिवशी घरोघरी फिरून चपय - गजापोवा नृत्य सादर करणे, हे या दसऱ्याचे मुख्य आकर्षण असते. समाजातील पुरुष मंडळी ढोल आणि ताट या वादनाच्या तालावर या हे एका विशिष्ट प्रकारात हे नृत्य सादर करतात.

जानू पिंगळे म्हणाले, आमच्या प्रत्येकाच्या घरी पाटी पुजली जाते. यावेळी आम्ही बांधव एकमेकांच्या घरी जाऊन चपय - गजापोवा नृत्य सादर करतो.

आमची हा सांस्कृतिक परंपरा टिकून राहण्यासाठी हा उत्सव एकत्रित येऊन साजरा करतो आणि एकत्रित येत असल्याने या उत्साहाचा आनंद द्विगुणित होत असल्याचे सांगितले.