.jpg?w=480&auto=format%2Ccompress&fit=max)
मडगाव: कन्हैय्याकुमार मंडल खुनासह मागच्या महिन्याभरात दक्षिण गोव्यात कित्येक गुन्हेगारीच्या घटना घडल्या आहेत. या पार्श्वभूमीवर पोलिस महासंचालक आलोक कुमार यांनी आज मडगावच्या दक्षिण गोवा पोलिस मुख्यालयाला भेट देत जिल्ह्याच्या पोलिस अधिकाऱ्यांशी चर्चा केली. गुन्हेगारी घटना नियंत्रणात आणण्यासाठी प्रयत्न करा तसेच तक्रार घेऊन येणाऱ्या तक्रारदाराशी सौजन्याने वागा, असा सल्ला त्यांनी दिला.
आलोक कुमार यांनी महासंचालकपदाचा ताबा घेतल्यानंतर त्यांची मडगाव पोलिस मुख्यालयाला दिलेली ही पहिलीच भेट होती. यावेळी झालेल्या चर्चेत शहरातील वाहतूक सुरळीत होण्यासाठी आवश्यक ती उपाययोजना हाती घेण्याच्याही सूचना त्यांनी केल्या. दक्षिण गोव्याच्या पोलिस अधीक्षक सुनीता सावंत यावेळी त्यांच्याबराेबर उपस्थित होत्या.
आज त्यांनी कोलवा पोलिस स्थानकाला भेट देऊन या पाेलिस स्थानकाची पाहणी केली. कोलवाचे पोलिस स्थानक हे एका खासगी घरात चालते. ही इमारत आता मोडकळीस आली आहे. कोलवा पोलिस स्थानक नवीन जागेत उभारण्यासाठी प्रयत्न सुरू आहेत. यासाठी जमीन संपादन करण्यासाठी स्थानिक कोमुनिदादशी चर्चा सुरू आहे, अशी माहिती सुनीता सावंत यांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.