Goa Student: विकसित विद्यार्थीच देशाचे भवितव्य घडवणार!

Goa Student:

विकसित विद्यार्थी हाच देशाचे भवितव्य घडविणार त्यामुळे पंचकोश विकसन म्हणजे काय? आजच्या विद्यार्थ्यांची परिपूर्ण वाढ का होत नाही? हे लक्षात घेऊन विद्यार्थिदशेतूनच विद्यार्थ्याचा पूर्ण विकास होणे फार गरजेचे असते, असे प्रतिपादन ज्ञान प्रबोधिनी गुरुकल निगडीचे प्रा. श्रीकृष्ण अभ्यंकर यांनी केले.

कवळे - फोंडा येथील श्री शांतादुर्गा शिक्षण समितीच्या शांतादुर्गा गुरुकुल येथे रविवारी आयोजित करण्यात आलेली पंचकोश प्रणालीवर चिंतन परिषद यशस्वीरीत्या पार पडली. या शिबिराचे मुख्य आकर्षण ठरले ते पुणे येथील ज्ञानप्रबोधिनी गुरुकुल निगडी येथील प्रा. आदित्य शिंदे व प्रा. श्रीकृष्ण अभ्यंकर यांचे पंचकोश विकसन विषयावरील वैचारिक मार्गदर्शनपर व्याख्यान.

प्रत्येक कोश विकासित करण्यासाठी कोणकोणते उपक्रम गुरुकुलकडून राबवले जातात, त्यासाठी कशाप्रकारे व्यवस्था असते व त्याचे आयोजन यासंबंधी प्रा. आदित्य शिंदे यांनी सांगितले.

ज्ञानप्रबोधिनी निगडी गुरुकुलचे दोन शिष्य कु. आदित्यराज आरावडे व कु. आर्य थोरवे यावेळी उपस्थित होते.

श्री शांतादुर्गा देवीच्या तसबिरिला पुष्षहार वाहून; नंतर गुरुकुलाच्या विद्यर्थ्यांनी सादर केलेल्या स्वागत गीताने परिषदेला सुरुवात झाली. यावेळी श्री शांतादुर्गा शिक्षण समिती गुरुकुल चे अध्यक्ष श्रीकुमार सरज्योतिषी, श्री शांतादुर्गा शिक्षण समिती गुरुकुल चे उपाध्यक्ष नारायण नावती, गुरुकुल ‘पीटीए’चे अध्यक्ष सागर तारी उपस्थित होते.

गुरुकुलचे माजी विद्यार्थी ऐश्वर्या गाड, मनस्वी सावंत, सात्विक सरज्योतिषी, प्रथम नाईक, कुलदीप सावंत, निरज देसाई तथा सिया सरज्योतिषी यांनी मान्यवरांना पुष्प देऊन स्वागत केले.