फातोर्डा : सां जुझे द आरियल या ठिकाणी ख्रिस्ती बांधवांच्या भावना दुखविण्याचा प्रकार घडला उघडकीस आला आहे. येथे पंचायती समोर शेतामध्ये असलेल्या सायबीणीच्या तसेच अन्य काही मुर्त्यांची तोडफोड करून अज्ञातांनी मोठया प्रमाणात नासधूस केली आहे. याप्रकरणी पोलिसांकडून तपास सुरु करण्यात आला असून या प्रकरणात गुंतलेल्यावर कठोर कारवाई करण्यात यावी अशी मागणी स्थानिकांकडून करण्यात येत आहे. (desecration of idols by some From the unknown at san juje da areal)
येथील स्थानिकांनी दिलेल्या माहितीनुसार, हे प्रकरण रात्री घडले असल्याची शक्यता वर्तविण्यात येत आहे. मिळालेल्या माहिती प्रमाणे पंचायतीसमोर (Panchayat) असलेल्या मुर्त्यांची तोडफोड आधी करण्यात आली. त्यानंतर शेतामध्ये असलेल्या फातिमा सायबीण, हॉली फॅमिली आणि अन्य एका मूर्तीची तोडफोड करण्यात आल्याची शक्यता वर्तविण्यात येत आहे.
या विषयी येथील रहिवाशी व्हिन्सी मास्कारेन्हस यांनी सांगितले की, येथे दोन ठिकाणी मुर्त्यांच्या तोडफोड केली असून ती एका दारुड्याने आणि माथेफिरूने केली आहे. तसेच इतर दोन ठिकाणी मुर्त्यांची तोडफोड जाणून बुजून केल्याची शक्यता आहे. येथे सर्व धर्माचे लोक गुण्या गोविंदाने नांदत आहेत, मात्र असला प्रकार येथे प्रथमच घडला आहे. त्यामुळे धार्मिक (Religious) सलोखा बिघडनाऱ्यांवर कठोर कारवाई करण्याची मागणी होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.