पणजी: मतदान यंत्राद्वारे झालेले मतदान हे सत्ताधारी पक्षाला लाभदायक ठरते. कारण मतदान यंत्रात काहीतरी काळेबेरे होण्याची शक्यता असते. त्यामुळे गोवा विधानसभेची येती निवडणूक मतपत्रिकेद्वारे घ्यावी. अशी मागणी गोवा प्रदेश राष्ट्रवादी कॉंग्रेसचे सरचिटणीस संजय बर्डे यांनी केली आहे.
आज आल्तीनो पणजी येथे पत्रकाराशी बोलताना बर्डे म्हणाले की जिल्हाधिकाऱ्यांनी राजकिय पक्षांना मतदान यंत्रे आल्तीनो येथे आणण्यात आल्याचे कळवल्यानंतर आपण ती पाहण्यासाठी येथे आलो तर अद्याप मतदानयंत्रे यायची असल्याचे सांगण्यात आले. फक्त व्हीवीपॅट तेवढी आली आहेत. त्यामुळे मतदान यंत्रात सत्ताधारी पक्षाला हवा तसा डाटा बसवून आणली जाण्याची शंका आपणास आहे. गोवा सरकारने जिल्हा पंचायत निवडणूक जशी मतपत्रिकेद्वारे घेतली तशीच विधानसभा निवडणूकही मतपत्रिकेद्वारेच घ्यावी.
असी आपली मागणी असून सोमवार ता. 4 ऑक्टोंबर रोजी राज्य निवडणूक आयुक्तांना राष्ट्रवादी कॉंग्रेस पक्षातर्फे तशी मागणी करणारे निवेदन देण्यात येणार असल्याचे बर्डे म्हणाले. अनेक राज्यात निवडणूका होईपर्यंत व गोव्यातीलनिवडणूकांची मतमोजणी राखून ठेऊ नये. मतदानाच्या दुसऱ्या दिवशीच मतमोजणी करावी. असी मागणीही यावेळी बर्डे यांनी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
