एक दिवस वाढला, केजरीवाल यांचा गोवा दौरा आता तीन दिवसांचा; नवी तारीख आली समोर

Arvind Kejriwal Goa Visit: आगामी लोकसभा निवडणुकीच्या तयारीत असलेल्या आम आदमी पक्षाचे (आप) संयोजक आणि मुख्यमंत्री अरविंद केजरीवाल यांच्यासाठी प्रत्येक दिवस मौल्यवान ठरत आहे. अबकारी घोटाळ्याप्रकरणी चौकशीसाठी ईडीकडून तीन नोटिसा मिळाल्या आहेत.

केंद्रातील भाजप सरकारकडून त्यांना अडचणीत आणण्याचा प्रयत्न केला जात असताना, केजरीवाल लोकसभा निवडणुकीच्या तयारीच्या मागे लागले आहेत.

अबकारी घोटाळ्याप्रकरणी चौकशीसाठी आलेल्या नोटिसांमागे केजरीवाल यांना अटक करण्याचे भाजपचे षडयंत्र असल्याचे आम आदमी पक्षाने म्हटले आहे.

दरम्यान. या सर्व घडामोडींच्या पार्श्वभूमीवर केजरीवाल लोकसभा निवडणुका डोळ्या समोर ठेऊन पक्ष मजबूत करण्यात व्यस्त आहेत. यापूर्वी गोवा दौरा अचानक रद्द केल्यानंतर हा दौरा येत्या 18, 19 आणि 20 जानेवारीला नियोजित असल्याचे सांगितले जात आहे.

अरविंद केजरीवाल यांचा हा दौरा लोकसभा निवडणुकीच्या तयारीशी संबंधित असल्याचे पक्षाने म्हटले आहे.

या दौऱ्यात केजरीवाल गोव्यातील कार्यकर्त्यांशी संवाद साधणार आहेत. यापूर्वी हा दौरा 11 आणि 12 जानेवारीला नियोजित होता. पण, प्रजासत्ताक दिन कार्यक्रमांच्या तयारीशी संबंधित बैठकांमुळे मागील प्रस्तावित भेट रद्द करण्यात आली होती.