IITF 2024: आंतरराष्ट्रीय व्यापार मेळाव्यात 'गोवा दालना'चे उद्घाटन; गोंयची संस्कृती, उद्योगाचे भारत मंडपात प्रदर्शन

India International Trade Fair 2024 Goa Pavilion

पणजी: नवी दिल्लीच्या भारत मंडपात आयोजित ४३ व्या भारतीय आंतरराष्ट्रीय व्यापार मेळाव्यात ‘विकसित भारत-२०४७’ या संकल्पनेवरील गोव्याच्या दालनाचे माहिती आणि प्रसिद्धी खात्याचे संचालक दीपक बांदेकर यांच्या हस्ते उदघाटन झाले.

यावेळी साहाय्यक माहिती अधिकारी शांतो नाईक, माहिती साहाय्यक सिद्धेश सामंत, गोवा गुंतवणूक प्रोत्साहन मंडळाचे प्रशासकीय अधिकारी सदाशिव पंडित आणि इतर खात्यांचे अधिकारी उपस्थित होते.यावेळी बांदेकर यांच्या हस्ते ‘आत्मनिर्भर भारत, स्वयंपूर्ण गोंय’ पुस्तिकेचेही प्रकाशन झाले.२७ नोव्हेंबर पर्यंत हा मेळावा असेल.

काय आहे दालनात?

भारत मंडपात गोव्याचे दालन सुमारे २०३ चौ. मी. जागेत उभारले असून हे दालन गोव्याची वास्तुकला आणि प्रगतीचे दर्शन घडविते. गोव्याच्या दालनात पर्यटन, गुंतवणूक सुविधा, उद्योग आणि इतर विकास, लोककला आणि संस्कृती, खान-पान आणि इतर सुविधांचे प्रदर्शन मांडले आहे.