Decomposed Male Body of an Unknown Person Found in Pernem
पेडणेतील गडेकर भाटले येथे काल (मंगळवारी, 5 डिसेंबर) रोजी सायंकाळी एका अज्ञात पुरुषाचा मृतदेह कुजलेल्या अवस्थेत आढळला. सदर मृतदेह हा गडेकर भाटले येथील पडीक शेतजमीन परिसरात आढळून आला.
मृतदेहाच्या अंगावर फक्त हाफ पॅंट असल्याचे प्रथमदर्शीने सांगितले. या घटनेमुळे नागरिकांमध्ये भीतीचे वातावरण पसरले आहे
उपलब्ध माहितीनुसार, त्या भागातील एक युवक आपली गुरे शोधण्यासाठी गेला असता, त्याला तो मृतदेह दिसला. खांद्यापासून उजवा हात नसलेला मृतदेह पाहिल्यावर युवक घाबरून गेला आणि त्याने पेडणे पोलिसांना त्याची माहिती दिली.
सायंकाळी पेडणे पोलीस स्थानकाचे उपनिरीक्षक विवेक हळर्णकर यांनी घटनास्थळी येऊन घटनेचा पंचनामा केला.
त्यानंतर रात्री याबाबत स्थानिकांना विचारणा करुन हा मृतदेह स्थानिक राहिवाशाचा आहे की अन्य कोणाचा याबाबतही पॉलिसांनी चौकशी केली.
मात्र राञी उशिरापर्यंत त्याची ओळख पटली नव्हती. त्याचा खून झाला असल्याचा संशय स्थानिकांनी व्यक्त केला आहे.
मृतदेह दोन दिवसाआधीचा असल्याचा प्राथमिक अंदाज पेडणे पोलिसांनी केला. कुजलेल्या अवस्थेत मृतदेह त्या ठिकाणी पडला होता. त्यामुळे परिसरात दुर्गंधी पसरली होती.
दरम्यान, पेडणे पोलिसांनी पंचनामा करुन शवचिकित्सेसाठी मृतदेह गोवा वैद्यकीय महाविद्यालयात पाठवून दिला. पोलीस पुढील तपास करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.