पणजी: यंदाच्या डिसेंबरमध्ये राज्यात आलेल्या देशी–विदेशी पर्यटकांची संख्या संतुलित होती. पण, हडफडेतील रोमियो लेन क्लबला लागलेली आग, इंडिगोने विमान फेऱ्यांमध्ये केलेली कपात तसेच इतर काही कारणांमुळे यंदा पर्यटकांत चढ-उतार दिसून आल्याचे पर्यटनमंत्री रोहन खंवटे यांनी सोमवारी पत्रकारांशी बोलताना दिली.
डिसेंबरमध्ये राज्यात आलेल्या एकूण पर्यटकांच्या संख्येबद्दलची आकडेवारी पर्यटन खाते अजूनही जमा करीत आहे. परंतु, गोव्यात प्रवेश करणाऱ्या वाहनांची संख्या यंदा वाढल्याने देशी पर्यटकांत वाढ झाल्याचा दावा त्यांनी केला.
राज्यात येणाऱ्या पर्यटकांना पर्यटनाचा मनमुराद आनंद घेता यावा, यासाठी टॅक्सी सेवा, कचरा व्यवस्थापन, रस्त्यांवरील खड्डे, रस्त्यांवरील मोकाट गुरे आदींसारख्या समस्यांचे निराकरण करणे ही सामूहिक जबाबदारी आहे. त्याबाबत संबंधितांसोबत लवकरच बैठक घेण्यात येणार असल्याचेही मंत्री खंवटे यांनी सांगितले.
पर्वरीतील उड्डाणपुलाचे काम येत्या डिसेंबरपर्यंत पूर्ण होईल आणि त्यानंतर पूल कार्यान्वित होईल, असे मंत्री रोहन खंवटे यांनी सांगितले. या कामासाठी सध्या जे रस्ते बंद करून वाहने वळवण्यात आलेली आहेत, त्यामुळे वाहतूक व्यवस्थेवर किती परिणाम होतो याचा आढावा घेतला जाईल आणि त्यावर तोडगा काढण्यात येईल, असेही त्यांनी नमूद केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.