Goa Accident News: दाबोळी विमानतळाजवळील ‘ग्रेड सेपरेटर’ उड्डाण पुलावरून दुचाकीने भरधाव वेगाने जाणारे दोघेजण खालील रस्त्यावर पडून झालेल्या भीषण अपघातात दोघांचा मृत्यू झाला. पॅटसन पॅट्रिस रॉड्रिगीस (२४) व प्रज्वल उदया रॉड्रिगीस (२७) अशी त्यांची नावे आहेत.
हे दोघेही होन्नावर-कर्नाटक येथील आहेत. अपघात आज बुधवारी दुपारी पावणेदोनच्या सुमारास घडला. वास्को पोलिसांनी दिलेल्या माहितीनुसार, चिखलीमार्गे दाबोळी विमानतळाजवळील ग्रेड सेपरेटर उड्डाणपुलावरून जाताना पॅटसन याचा दुचाकीवरील ताबा सुटला व ती कठड्याला धडकली. त्यामुळे दुचाकीवरील दोघेही उड्डाणपुलावरून खाली रस्त्यावर पडले.
डोक्याला गंभीर दुखापत झाल्याने पॅटसन रॉड्रिगीस हा जागीच ठार झाला, तर गोमेकॉत उपचार सुरू असताना प्रज्वलची प्राणज्योत मालवली.पोलिस निरीक्षक कपिल नायक यांच्या नेतृत्वाखाली उपनिरीक्षक रोहन नागेशकर अधिक तपास करीत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
