नदीत सापडला कुजलेला मृतदेह; ओळख पटवणेसुद्धा झाले मुश्किल, उत्तरीय तपासणीवर बऱ्याच गोष्टी अवलंबून

Goa Crime News

फोंडा: आमोणे-खांडोळा येथील मांडवी नदीत एका अज्ञात महिलेचा मृतदेह आढळून आला. हा मृतदेह कुजलेल्या स्थितीत असल्याने तो ओळख पटविण्याच्या पलीकडे गेला होता.

विशेष म्हणजे, या मृतदेहाचे डोके तसेच एक पाय गायब झाला असून तो कुजल्यामुळे तुटून पडला असावा, असा कयास पोलिसांनी व्यक्त केला आहे. याप्रकरणी म्हार्दोळ पोलिस स्थानकाला माहिती देताच पोलिसांनी घटनास्थळी येऊन मृतदेह ताब्यात घेतला असून उत्तरीय तपासणीसाठी तो इस्पितळात पाठविला आहे.

एक महिला बेपत्ता असल्याने त्यासंबंधीची शहानिशा करण्यासाठी या महिलेचे नातेवाईक घटनास्थळी आले. मात्र, त्यांनी ती बेपत्ता असलेली ही महिला नसल्याचे सांगितले.

डीएनए चाचणीची मागणी

यापूर्वी सिकेरी किनाऱ्यावर अज्ञात महिलेचे शीर सापडले होते. ते याच महिलेचे असावे, असे गृहीत धरून त्याची डीएनए चाचणी करण्याची मागणी केली जात आहे.