मोरगाव तालुक्यातील विविध मंदिरात दत्त जयंती उत्साहात साजरी

वास्को: दत्त जयंती उत्सव मोरगाव तालुक्यातील विविध मंदिरात उत्साहात तसे भक्तिमय वातावरणात साजरा करण्यात आला. सकाळ ते रात्रीपर्यंत मंदिरात विविध धार्मिक विधी संपन्न झाले.

आज हिंदूंचा (Hindu) मुख्य सण दत्त जयंती (Datta Jayanti) उत्सव मोठ्या भक्तीमय वातावरणात साजरा करण्यात आला. सकाळपासून मंदिरात (Temple) पुरोहितांच्या मंत्रोच्चाराने धार्मिक विधी संपन्न झाल्या. दरम्यान मोरगाव तालुक्यातील कुठ्ठाळी ठाणे येथील श्री दत्त मंदिर, गाळींत बोगमाळो येथील दत्त मंदिर, वास्को येथील दत्तमंदिरात, ओरूले बेलाबाय येथील दत्तवाडी संस्थानात आज सकाळपासून दत्त जयंतीनिमित्त विविध धार्मिक विधी झाल्या. तर नंतर दुपारी आरती व महाप्रसादाचा कार्यक्रम झाला. दरम्यान संध्याकाळच्या सत्रात ५ वाजता सर्व ठिकाणी दत्त जन्म पाळणा झाला.

यावेळी दत्त महाराजांना पाळण्यात घालून पाळणा गीत म्हणून दत्त जन्म साजरा केला. नंतर आरती तीर्थप्रसाद तसेच भजनाचा कार्यक्रम, काही ठिकाणी कीर्तनाचा कार्यक्रम झाला. नंतर रात्री श्रींची पालखी मिरवणूक काढण्यात आली. दत्तवाडी आरूले येथे रात्री श्रींची मंदिराभोवती पालखी मिरवणूक दिंडी सहीत, तसेच महिलांच्या (Women) दिवत्सवाने काढण्यात आली. नंतर ओटी भरणा झाल्यानंतर आरती तीर्थप्रसाद व पावणीचा कार्यक्रम झाला व संपूर्ण दिवसाच्या उत्सवाची सांगता करण्यात आली.