Dangerous Road in Goa : उत्तर आणि दक्षिण गोवा जोडणाऱ्या उसगावच्या चौपदरी पुलावर ऐन दिवाळीत काळोख पसरल्याने लोकांनी तीव्र नाराजी व्यक्त केली. राज्यातील पहिला चौपदरी पूल भामई - उसगावात कार्यरत झाला. त्यामुळे या भागातील प्रवासी वाहतूक सुरळीत झाली, पण ऐन दिवाळीत या चौपदरी पुलावरील पथदीप लागत नसल्याने परिसरात रात्रीच्यावेळेला काळोख पसरला आहे.
उसगावचा हा चौपदरी पूल खाण कंपन्यांच्या संघटनेने उभारला होता. खाण व्यवसाय जोरात होता, त्यावेळेला जुन्या एकेरी उसगावच्या पुलावर कायम वाहतूक कोंडी होत होती. त्यानंतर काळाची गरज ओळखून खाण कंपन्यांनीच पुढाकार घेऊन हा चौपदरी पूल उभारला. मात्र, खाण कंपन्यांच्या दुर्दैवाने खाण उद्योगावर न्यायालयाने हातोडा मारल्याने गेली दहा वर्षे हा व्यवसाय बंद आहे.
खाण उद्योग बंद झाल्यानंतर या पुलाकडे दुर्लक्ष करण्यात आले. मात्र, सहा महिन्यांपूर्वी या पुलाची रंगरंगोटी व पथदीप उभारून हा पूल चकाचक करण्यात आला होता, पण ऐन दिवाळीत मात्र पथदीप लागत नसल्याने काळोखाचे साम्राज्य पसरले आहे.
सरकारच्या संबंधित खात्याने याप्रकरणी त्वरित लक्ष देऊन उसगावच्या चौपदरी पुलावरील पथदीप रात्रीच्या वेळी कायम पेटतील याची खबरदारी घ्यावी, अशी मागणी उसगाव व पाळीवासीयांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
