मोरजी: विकासासाठी एखाद्या निवडून आलेल्या जिल्हा पंचायत सदस्याने सरकारला पाठिंबा दिला, अन् विकास कामे करून घेतली, तर त्यात काही अतिशयोक्ती नाही, असे भाजपचे प्रदेशाध्यक्ष दामू नाईक यांनी सांगितले.
नुकत्याच झालेल्या झेडपी निवडणुकीत हरमल मतदारसंघातून भाजपच्या उमेदवार मनिषा कोरखणकर यांचा ५४ मतांनी अपक्ष उमेदवार राधिका पालयेकर यांनी पराभव केला. पालयेकर यांचे त्वरित मुख्यमंत्री सावंत यांनी स्वागत केले.
त्या संदर्भात प्रदेशाध्यक्ष दामू नाईक हे मांद्रेत अटल स्मृती संमेलनाला आले असता, त्यांना प्रतिक्रिया विचारली असता त्यांनी वरील उत्तर दिले. यावेळी माजी आमदार दयानंद सोपटे सोबत होते.
जे सरकारला पाठिंबा देतील त्यांचा पाठिंबा सरकार घेणारच. आणि विरोधी लोकप्रतिनिधींची कामे करू नये, असे कोणी सांगितले? असा सवाल दामू नाईक यांनी केला.विरोधी पक्षाचा उमेदवार जिंकून येतो. त्यालाही विकास करून घेण्याचा तेवढाच अधिकार असतो, असेही प्रदेशाध्यक्ष दामू नाईक यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.