Shirgao Lairai Jatra: लईराई जत्रोत्सव तयारीचा दामू नाईकांनी घेतला आढावा, गर्दीवरील नियंत्रणासाठी स्वयंसेवक नेमण्‍याची सूचना

पणजी: भाजप प्रदेशाध्यक्ष दामू नाईक य‍ांनी आज बुधवारी लईराई देवस्थानला भेट देत, येत्या २१ एप्रिलपासून सुरू होणाऱ्या जत्रोत्सवाच्या तयारीचा आढावा घेतला. शिवाय, भाजप युव‍ा मोर्चाच्या कार्यकर्त्यांशी संवाद साधून जत्रेदरम्यान येणाऱ्या भाविकांच्या गर्दीचे व्यवस्थापन करण्यासाठी स्वयंसेवकांची व्यवस्था करण्याच्या सूचनाही त्य‍ांनी दिल्या.

आमदार प्रेमेंद्र शेट, प्रदेश भाजपचे सरचिटणीस सिद्धार्थ कुंकळ्येकर, उत्तर गोवा जिल्हाध्यक्ष दया कारबोटकर यांच्यासह स्थानिक सरपंच, पंच त्य‍ांच्यासमवेत उपस्थित होते.

लईराईच्या जत्रोत्सवाला दरवर्षी गोव्यासह अ‍ासपासच्या राज्यांतून हजारो भाविक उपस्थित राहत असतात. त्‍यांना सुरळीत व सुरक्षित दर्शन मिळावे आणि जत्रोत्सवाच्या काळात कोणताही अनुचित प्रकार घडू नये, यासाठी गर्दीचे व्यवस्थापन करण्यासाठी स्वयंसेवकांची व्यवस्था करण्याच्या सूचना आपण भाजप युवा मोर्चाला केलेल्या आहेत.

तयारीचा आढावा घेऊन देवस्थान समितीशी चर्चाही केलेली आहे, असे दामू नाईक य‍ांनी ‘गोमन्तक’शी बोलताना सांगितले.